சோழர் படை வீரர்களாக இருந்த பள்ளி வன்னிய ஜாதியினர்

 தொண்டை மண்டலப் பகுதிகளை ஆட்சி செய்துவந்த சம்புவராயர்கள் பள்ளி(வன்னியர்) குலத்தவர்.

நடு நாட்டின் வலிமை மிகுந்த சிற்றரசர்களான காடவராயர்களும் வன்னியர் இனத்தவரே.இவர்கள் கல்வெட்டுக்களில் தம்மை பள்ளி இனத்தவராகவே குறிப்பிட்டுள்ளனர்(ARE 137 of 1900; S.I.I vol.7, No.150).

 கி.பி 12 ஆம் நூற்றாண்டில் இயற்றப்பட்ட சிலை எழுபது நாயக்கர் காலத்திற்கு முன் சோழ, பாண்டிய மன்னர்களின் காலத்தில்தான் எழுதப்பெற்றது.வன்னிய குலத்தவரின் பெருமைகளைக் குறிப்பிடும் இந் நூல் வன்னியர்களை ஆட்சி செய்யும் மன்னர் இனத்தவராகக் குறிப்பிடுகின்றது.

பல்வேறு கல்வெட்டுக்கள் மூலம் வன்னிய குலத்தவர் சோழர் காலத்தில் பெற்றிருந்த செல்வாக்கும் அதிகாரமும் உறுதிபடுத்தப்பட்டுள்ளது.வன்னிய குலத்தவருக்கு அரசரால் கொடையளிக்கப்பட்ட நிலங்கள் "பள்ளிப் பேறு" எனப்பட்டன.(ARE 200 of 1904)

மேலும் வன்னியர் குலத்தவர் விற்போர் வீரர்களாக விளங்கினர். இவர்கள் "வில்லிகள்" என்றும் அழைக்கப்பட்டனர்(ARE 360 of 1902)(ARE 394 of 1921).பள்ளி குல மக்கள் வாழ்ந்த பகுதி பள்ளி நாடு எனவும் குறிப்பிடப்பட்டுள்ளது(ARE 35 of 1913).

விஜயநகர வேந்தர் படையெடுப்பின்போது அவர்களை எதிர்த்து முதலில் போரிட்டது தமிழ் குறு நில மன்னர்களான சம்புவராயர்கள்தான்.இவர்கள் வன்னியர் குலத்தவர்.(ARE 267 of 1919)

 சோழர்களின் தலைநகரமான கங்கைகொண்ட

===========================================

சோழபுரத்து குறுநில மன்னர்களும் படை வீரர்களும்

================================================

முனைவர் இல. தியாகராஜன் அவர்கள் "அரியலூர்" பற்றி ஆங்கிலத்தில் எழுதிய சில குறிப்பிட்ட பகுதிகளை மட்டும் எடுத்து நான் தமிழாக்கம் செய்திருக்கிறேன். இது நான் எழுதியது அல்ல.

----- xx ----- xx ----- xx -----

முதலாம் இராஜ ராஜ சோழனின் மகனான முதலாம் இராஜேந்திர சோழனின் ஆட்சி காலத்தில் வரலாற்றில் ஒரு புதிய அத்யாயம் தமிழகத்தோடு மட்டுமல்லாமல் இன்றைய அரியலூர் மாவட்டத்திலும் பிரதிபலித்தது. அதற்கு மிக முக்கிய காரணம் அவனால் அம்மாவட்டத்தில் உள்ள உடையார்பாளையம் தாலுக்காவில் புதியதாக நிர்மாணிக்கப்பட்ட சோழர்களின் தலைநகரமான கங்கைகொண்ட சோழபுரமே ஆகும்.

படையாட்சிகள் என்று புகழோடு அழைக்கப்படும் வன்னியர்களே அரியலூர் மாவட்டத்தின் பெரும்பான்மை மக்களாவார்கள். இவர்கள் சோழர்கள் காலத்தில் பள்ளிகள் என்றும் அழைக்கப்பட்டனர். அரியலூர் மற்றும் அதன் சுற்றுப்புறங்களிலிருந்து கிடைக்கும் சுமார் ஐம்பது சோழர்கள் காலத்து கல்வெட்டுகள் வன்னியர்களைப் பற்றி குறிப்பிடுகின்றன.

அரியலூர் மாவட்டத்தில் இருந்த "காரைக்காடு", "துண்டநாடு", "சென்னிவளக் கூற்றம்" போன்ற பகுதிகளில் இருந்த ஊர்களில் பல பள்ளிகள் இருந்திருக்கிறார்கள் என்பதை சோழர்கள் காலத்து கல்வெட்டுகள் குறிப்பிடுகின்றன.

வீர நாராயண சதுர்வேதிமங்கலத்தில் இருந்த 11 சேரிகளில் பள்ளிகளின் (வன்னியர்கள்) வாழ்விடங்கள் இருந்ததை முதலாம் இராஜேந்திர சோழனின் கி.பி. 1022 ஆம் ஆண்டு கல்வெட்டு குறிப்பிடுகிறது.

சோழர்கள் காலத்து பல கல்வெட்டுகளில் பள்ளிகள் பெற்றிருந்த பட்டங்களை பற்றி குறிப்பிடுகின்றன. அவை :-

"அரையன்",

"பெரியரையன்" (பேரரையன்),

"நாடு உடையான்",

"நாடாழ்வான்",

"காணி உடையான்",

"ஊர் உடையான்"

போன்றவைகளாகும். இப்பட்டப் பெயர்கள் சோழ அரசர்களின் பெயர் அல்லது பட்டங்களுடன் முன்னிட்டு சேர்த்து வழங்கப்பெற்றிருப்பது என்பது பள்ளிகள் (வன்னியர்கள்) எத்தகைய நிலையில் சோழர் அரசாங்கத்தில் இருந்திருக்கிறார்கள் என்பதை சுட்டிக்காட்டுகிறது. இப்பகுதி கல்வெட்டுகளில் இடம்பெற்றிருந்த பள்ளிகளின் சில பட்டங்கள் கீழே கொடுக்கப்பட்டுள்ளது :-

"சோழேந்திர சிங்க பெரியரையன்",

"சிங்களாந்தக பெரியரையன்",

"மதுராந்தக பெரியரையன்",

"சுந்தர பெரியரையன்",

"முடிகொண்ட சோழ முத்தரையன்"

"கடாரம் கொண்ட சோழ பெரியரையன்"

"மாணிக்க பெரியரையன்",

"ஜெயம்கொண்ட சோழ துண்ட நாடாழ்வான்",

"துண்டநாடு உடையான் கல்யாணபுரம் கொண்டான்",

"தேனுரில் காணி உடையான் துண்டராயன்"

"ஆய்க்குடியில் காணி உடைய பள்ளிகளில் பொன்னநான முடிகொண்ட சோழ முத்தரையன் உள்ளிட்டாரும்"

"ஓலைப்பாடியில் காணி உடைய பள்ளிகளில் காரி கிரிச்சன் விக்கிரம சோழ முத்தரையன் உள்ளிட்டாரும்"

"தொங்கபுரத்தில் காணி உடைய பள்ளிகளில் அழகந் அம்பலவன் குலோத்துங்க சோழ முத்தரையன் உள்ளிட்டாரும்"

"மகதை மண்டலத்து தொழுவூர் பற்றில் குறுக்கையில் காணி உடைய பள்ளிகளில் பாண்டியன் சொக்கன் மரகத சோழ முத்தரையன் உள்ளிட்டாரும்"

மேற்குறிப்பிட்ட பட்டங்கள், வன்னியர்கள் சோழ அரசர்களுக்கு கொடுத்த ராணுவ வீரதீர பங்களிப்பையும் மற்றும் வன்னியர்களின் நிலவுடமை நிலையையும் மற்றும் சோழ அரசாங்கத்தில் வன்னியர்கள் பெற்றிருந்த அதிகார நிலையையும் காட்டுகிறது.

சோழர்களின் பல கல்வெட்டுகளில் பள்ளிகள் வில் வீரர்களாக இருந்துள்ளனர் என்றும் அவர்கள் வில்லாற்றலில் மிகுந்த நிபுணத்துவம் பெற்றிருந்தார்கள் என்றும் குறிப்பிடுகிறது. மேலும் சோழர் கல்வெட்டுகள் பல "விற் படை" வில்லாளிகள் பற்றி குறிப்பிடுகின்றன (வில்லிகள் படை). அவ் விற்படைகளில் வன்னிய ஜாதியை சேர்ந்தவர்களையே சோழர்கள் நிலைப்படுத்தினர்.

கி.பி. 1045 மற்றும் 1050 ஆம் ஆண்டினைச் சேர்ந்த விருத்தாச்சலம் கல்வெட்டுகள், ஜெயங்கொண்ட சோழபுரம் நகரம் (ஜெயங்கொண்டாம், உடையார் பாளையம் வட்டம்) உருவானதைப் பற்றியும், பள்ளி ஜாதியைச் சேர்ந்த சிலர் ஜெயங்கொண்ட சோழபுரம் மற்றும் விசயபுரத்தின் ராணுவ அதிகாரிகளாய் இருந்ததையும் குறிப்பிடுகின்றன.

பள்ளி ஜாதியைச் சேர்ந்த ஒரு குறுநில வேந்தன் "கூத்தன் பக்கனான ஜெயங்கொண்ட சோழ துண்ட நாடாழ்வான்", கி.பி. 1067 ஆம் ஆண்டின் கல்வெட்டில் குறிப்பிடப்படுகிறார். அவரது பெயர் "துண்ட நாட்டுப்" பகுதியின் அரசியல் அதிகாரத்தை வெளிப்படுத்துகிறது.

விக்கிரம சோழன் (கி.பி. 1118 - 1136) மற்றும் அதன்பிறகு வந்த சோழ மன்னர்கள் காலக் கல்வெட்டுகளில் "பள்ளி" மற்றும் "சுருதிமான்" ஜாதியைச் சேர்ந்தவர்களே சோழ அரசாங்கத்திற்கு படைவீரர்களையும், அதிகாரிகளையும், குறுநில மன்னர்களையும் வழங்கி சமகாலச் சமூதாயத்தில் மேன்மையான நிலையை அடைந்தார்கள்.

பள்ளி ஜாதியைச் சேர்ந்த அதிகாரி "சேந்தன் சுத்த மல்லனான வாணகோவரையன்" என்பவர் இரண்டாம் குலோத்துங்கச் சோழனிடம் "திருமுகக் காணி" என்னும் நிலங்களைப் பெற்றிருக்கிறார். அவர் சென்னிவனம் கோயிலுக்கு கி.பி. 1137 ஆம் ஆண்டில் நிலதானம் கொடுத்திருக்கிறார்.

சோழ மன்னன் இரண்டாம் இராஜாதிராஜ சோழனின் ஆட்சி காலத்தில் (கி.பி. 1166 - 1182) வன்னாடு உடைய இராஜராஜ தேவனான இராஜாதிராஜ மகதை நாடாழ்வான், துண்ட நாடு உடையான் திருவிராடனான துண்டராய வர்மன் அரியவாயன், கடந்தை சேந்தன் ஆதித்தனான இராஜராஜ வங்கார முத்தரையன், ஸ்ரீராமன் சுத்தமல்லனான விக்கிரம சோழ மலையகுலராயன் போன்ற குறுநில மன்னர்கள் "இராசகுலவர்" (அரச குலத்தவர், Royal Families) ஆவார்கள். இந்த இராசகுலத்தவர்கள் கோயில்கள் மற்றும் இன்னபிற நில உரிமைகளை ஆக்கிரமித்து தனதாக்கிக்கொண்டனர்.

கி.பி. 1216 ஆம் ஆண்டு கல்வெட்டு "சுருதிமான் இராஜேந்திர சோழ தெரிந்த வில்லிகள்" (வில்லாளிகள்) என்ற இராணுவ படைப் பிரிவைப் பற்றி குறிப்பிடுகிறது. இப் படைப் பிரிவில் சுருதிமான் ஜாதியைச் சேர்ந்த "படை முதலிகள்" (இராணுவ தலைவர்கள்) இடம்பெற்றுள்ளனர். குன்றக்குறம், மேல்கரைக்காடு உள்ளிட்ட சுருதிமான் அஞ்சுநாடு படைப்பிரிவுகள் இதில் இடம்பெற்றுள்ளன.

வன்னிய ஜாதியைச் சேர்ந்த பல பட்டங்களுடைய குறுநில மன்னர்களான "கடந்தையார்கள் (என்கிற) வங்கார முத்தரையன்", "துண்ட நாடு உடையார் / துண்டராயன் ", "வாணகோவரையர்" மற்றும் "கச்சியராயர்கள்" ஆட்சி அதிகாரம் பெற்ற பாடிக்காவல் அதிகாரிகளாய் அரியலூர் மற்றும் அதன் பிற பகுதிகளிலும் இருந்துள்ளனர்.

போர்குடிகளைச் சேர்ந்த "பள்ளி" மற்றும் "சுருதிமான்" ஜாதியைச் சேர்ந்தவர்கள் சோழ இராணுவத்தில் சேர்ந்து உயர்ந்து பல உயரிய பதவிகளைப் சோழ அரசாங்கத்தில் பெற்று அரியலூர் பகுதியில் குறுநில மன்னர்களாக கோலோச்சியவர்களில் :-

"துண்ட நாடு உடையார்"

"கடந்தையார் (என்கிற) வங்கார முத்தரையன்"

"வாணகோவரையர்"

போன்றோர்கள் மிக மிக முக்கியமானவர்கள் ஆவார்கள்.

----- xx ----- xx ----- xx -----

நன்றி : முனைவர் இல. தியாகராஜன் அவர்கள்.

===================================================

Chieftains Warriors of Gangaikonda Cholapuram in Ariyalur Region

===================================================

The reign of Rajendra Chola-I, son of Rajaraja Chola-I, opened a glorious chapter not only in the history of Tamil Nadu but also of Ariyalur Region because of his foundation for a new capital called Gangaikondacholapuram in Udaiyarpalayam Taluk.

Vanniyar, popularly called Padaiyatchis are one of the major communities living in Ariyalur region. During the medieval period they were called as Palli. Some fifty records of the Chola period are available in Ariyalur region and in the adjoining area which refer to the Vanniyas. The inscriptions show that many Pallis hailed from the villages located in Karaikkadu, Tunda Nadu and Sennivala Kurran which existed in Ariyalur region. A record of Rajendra Chola-I in 1022 A.D. refers to Palli (Vanniyar) settlement in the 11 cheris of Viranarayana Chaturvedimangalam.

Many inscriptions show that the Pallis had the titles of Araiyan, Periyarayan, Nadu Udaiyan, Nadalvan, Kani Udaiyan, Ur Udaiyan etc., which were prefixed with the name or surname of Chola Kings indicating their position in Chola Government. The following were a few titles of individual Pallis of this area as shown in inscriptions.

Cholendrasinga Periyaraiyan.

Singalandaka Periyaraiyan.

Madurandaka Periyaraiyan.

Sundara Periyaraiyan.

Mudikondachola Muttaraiyan.

Kadarankondachola Periyaraiyan.

Manikka Periyaraiyan.

Jayankondachola Tunda Nadalvan.

Tundanadu Udaiyan Kalayanapuramkondan.

Tenuril Kani udaiaya Tundarayan.

Aykkudiyil Kani udaiya Palligalil Ponnan (alias) Mudikonachola Muttaraiyan.

Olaippadiyil Kani udaiya Palligalil Karitirichchan Vikramachola Muttaraiyan.

Tongapurattil Kani udaiya Palligalil Alagan Ambalavan Kulothungachola Muttaraiyan.

Kurukkaiyil Kani udaiya Palligalil Pandyan Sokkan Maragadachola Muttaraiyan.

The above titles show their participation in the military exploits of Chola Kings and their landholding status and official position in Chola Government. Many Chola records refers to the Pallis as Bowmen and adept in archery (Vil, Villigal). Records name several regiments of archers (villigal padai) composed of the people of Vanniya caste by the Cholas.

Two records of 1045 A.D. and 1050 A.D. in Vriddachalam indicate the emergence of Jayankondacholapuram nagaram (Jayankondam, Udaiyarpalaiyam Taluk) and some individuals of palli caste of Jayankondacholapuram and Visayapuram as army personnel.

A chief of palli caste named Kuttan Pakkan (alias) Jayankondachola Tunda Nadalvan figures in the record of 1067 A.D. His name indicates his political status in Tunda Nadu area.

During the reign of Vikramachola (1118-36) and of his successors, inscriptions give enough information to show that the Palli and Surutiman castes of this region supplied soldiers, officials and generals to the Chola Government and enjoyed status in the contemporary society.

An officer of Palli caste named Sendan Suttamallan (alias) Vanakovaraiyan received land called tirumugakani from the king and he also made a gift of land to the Sennivanam temple in 1137 A.D.

In the reign of Rajadhiraja Chola-II (1166 - 1182 A.D), Vannadu Udaiyan Rajarajadevan (alias) Rajadhiraja Magadai Nadalvan, Tundanadu Udaiyan Tiruviradan (alias) Tundarayapanman Ariyavayan, Kadandai Sendan Adittan (alias) Rajaraja Vangara Muttaraiyan, Siraman Suttamallan (alias) Vikramachola Malayakularayan, etc. It seems these chiefs who had the status of "Rasukulavar" (Royal Families) had become aggressive by appropriating for themselves landholdings of temples, etc.

A record of 1216 A.D. refers to an army wing called Surutiman RajendraChola Terinda Villigal (archers) which comprised of Padaimudaligal (army generals) of Surutimans of anju nadu including Kunra Kurram and Melkaraikkadu.

The number of Chieftains of Vanniya caste with the titles of Vangara Muttaraiyan also called Kadandaiyar, Tunda Nadu Udaiyar/Tundarayan, Vanakovaraiyar and Kachchiyarayar held sway as Padikaval officers over parts of Ariyalur region.

The people of martial communities such as Palli and Surutiman castes joined the Chola Militia and rose to high status in the Chola Government and dominated as chiefs in Ariyalur region. Of them Tundanadu Udaiyar, Kandandaiyar (also called Vangara Muttaraiyar) and Vanakovaraiyar were important chiefs.

Thanks to : Prof Dr. L. Thiyagarajan.